اٹلس ہنڈا لمیٹڈ ہمیشہ اعلیٰ معیار کی موٹر سائیکل اپنے کرم فرماؤں کو مہیا کرتی ہے۔ اس کے باوجوداگر انسانی غلطی کی وجہ سے کوئی نقص پیدا ہوجائے تو اس کا ازالہ کیا جائے گا بشرطیکہ موٹر سائیکل کی وقفہ جاتی دیکھ بھال اور استعمال بالکل صحیح کیا گیا ہو۔

وارنٹی کی میعاد:

نارمل وارنٹی(فریم ، باڈی اینڈ الیکٹریکل سسٹم): موٹر سائیکل کی تاریخ خرید سے 6 ماہ یا 6000 کلومیٹر(جو بھی پہلے پورا ہو جائے کلیم کا استحقاق ختم ہو جائے گا)۔

اسپیشل وارنٹی(انجن): موٹر سائیکل کی تاریخ خرید سے 3 سال یا 20000 کلومیٹر(جو بھی پہلے پورا ہو جائے کلیم کا استحقاق ختم ہو جائے گا)۔

موٹر سائیکل کی خریداری کے وقت آن لائن وارنٹی رجسٹریشن لازمی ہے جو کہ سیلز ڈیلر کی ذمہ داری ہے۔

شرائط:

1. کلیم کے لیے اصل وارنٹی سر ٹیفکیٹ اور اونرز مینوئل سروس گائیڈ کے ساتھ لانا ضروری ہے۔
2. کلیم کا حق صرف موٹر سائیکل کےپہلے مالک کو ہوگا، دوسرے خریدار(سیکنڈ ہینڈ وہیکل) کو کلیم کا حق نہیں ہوگا۔
3. خرید شدہ موٹر سائیکل یا انجن ہر گز تبدیل نہیں ہوگا، صرف متعلقہ پُرزے کو درست یا تبدیل کیا جائے گا۔
4. وارنٹی کی میعاد کے دوران اسپیڈو میٹر (اوڈو میٹر)کا درست ہونا ضروری ہے، مرمت شدہ ہونے کی صورت میں کلیم نہیں دیا جائے گا۔
5. پہلی فری سروس ایک ماہ یا 1000 کلومیٹر ،دوسری تین ماہ یا 3000 کلومیٹراور تیسری پانچ ماہ یا 5000 کلومیٹر تک کروائیں اور متعلقہ ڈیلر سے (صفحہ نمبر 6 پر) اندراج لازمی ہے۔
6. وارنٹی کی میعاد کے دوران اٹلس ہنڈا لمیٹڈ کا جینوئن انجن آئل استعمال کرنا اور کمپنی کے با اختیار ڈیلر ہی سے مرمت کروانا اور(صفحہ 6 ، 7 پر)اندراج لازمی ہے۔
7. وارنٹی سر ٹیفکیٹ اور فری سروس کارڈ میںکسی بھی قسم کےردو بدل سے وارنٹی اور فری سروس کا استحقاق ختم ہو جائے گا۔
8. وارنٹی سر ٹیفکیٹ ، فری سروس کارڈاور اونرز مینوئل کو حفاظت سے رکھیں، گم ہونے کی صورت میں دوبارہ جاری نہیں کئے جائیں گے۔

نوٹ: وارنٹی کلیم کے لیے حتمی فیصلہ اٹلس ہنڈا لمیٹڈ کا ہوگا جسے کسی بھی قانونی عدالت میں چیلنج نہیں کیا جا سکتا۔

مندرجہ ذیل صورتوں میں کلیم نہیں دیا جائے گا:

• ایسے نقائص جو کسی قسم کے ایکسیڈنٹ،پانی میں ڈوبنے، کیمیکل، درخت کا عرق ،پرندوں کا فضلہ، آسمانی بجلی گرنے یا کسی بھی قسم کی قدرتی آفات کی وجہ سے رونما ہوں۔
• اپنی طرف سے پیدا کی گئی تبدیلیاں اور غیر معیاری پرزہ جات کا استعمال، اونرز مینوئل میں درج ہدایات اور وقفہ جاتی دیکھ بھال پر عمل نہ کرنے کی وجہ سے پیدا ہونے والے نقائص۔
• وقفہ جاتی دیکھ بھال کے گوشوارہ میں درج شدہ پارٹس مثلاً (انجن آئل، ایئر کلینر، اسپارک پلگ، ڈرائیو چین، بریک شو/پیڈ، کلچ پلیٹس، سینٹری فیوگل آئل فلٹر وغیرہ)کی صفائی اور تبدیلی وقت پر نہ کروانے کی وجہ سے ہونے والے نقائص۔
• کوالٹی اورکارکردگی پر اثر انداز نہ ہونے والی تصوراتی چیزیں (جیسے عام آواز، تھرتھراہٹ ) کا کوئی کلیم نہیں ہوگا۔
• مرمت شدہ یا پہلے سے ایڈجسٹ کئے گئے پرزہ جات سے پیدا ہونے والے نقائص۔
• نان جینوئن پارٹس اور انجن آئل کے استعمال کے پیدا ہونے والے نقائص۔
• مسلسل ہائی اسپیڈ ، ریسنگ اور حد سے زیادہ وزن کی وجہ سے پیدا ہونے والے نقائص۔
• پینٹ شدہ پارٹس پراسکریچ یا کسی بھی قسم کی رگڑ کے نشانات اور گرم پرزوں پر پولی تھین، پلاسٹک کے جوتوں کے لگنے کی وجہ سے پیدا شدہ نقائص۔
• الیکٹرک وائرنگ میں خود سے کی گئی تبدیلی یا غیر معیاری اضافی برقی لوڈ اور بیٹری میں لیول سے زیادہ ڈسٹلڈ واٹر بھرنے یا فریم باڈی پر گرنے کی وجہ سے پیدا شدہ نقائص۔
• ٹائر کا کٹنا، ٹیوب کا پنکچر ہونا، تاروں کا ڈھیلا ہونا اور کم ٹائر پریشر یا پنکچر حالت میں چلانے سے ٹائر کا ٹیڑھا ہونا اور ٹوٹی ہوئی سڑک پر مسلسل چلانے سے پیدا شدہ نقائص۔
• غیر معیاری اسٹوریج اور ٹرانسپورٹیشن کی وجہ سے ہونے والا نقصان۔
• ایسی تما م قسم کی مرمت جو اٹلس ہنڈا کے با اختیار ڈیلرسے نہ کروائی گئی ہو، اس سے پیدا شدہ نقائص۔
• ایسے نقائص جو تحقیق سے بھی ثابت نہ ہوں کہ ان کا مٹیریل یا ورک مین شپ سے تعلق ہے۔
• موٹر سائیکل کو ریس، ریلی یا یا بطور ٹیکسی چلانے کی صورت میں پیدا شدہ نقائص۔

نوٹ: وارنٹی کلیم کے لیے حتمی فیصلہ اٹلس ہنڈا لمیٹڈ کا ہوگا جسے کسی بھی قانونی عدالت میں چیلنج نہیں کیا جا سکتا۔

٭پہلی ، دوسری ، تیسری ٹیوننگ مزدوری کے علاوہ تمام خرچہ بذمہ گاہک

نوٹ:

• ہمیشہ اٹلس ہنڈا لمیٹڈ کا جینوئن انجن آئل با اختیار سروس ڈیلر سے تبدیل کروائیں۔
• ہمیشہ اٹلس ہنڈا لمیٹڈ کے جینوئن پارٹس استعمال کریں۔

نوٹ: سینٹری فیوگل آئل فلٹر اور آئل فلٹر اسکرین ہر 12000 کلومیٹر پر ضرور صاف کروائیں۔